Ç̆İNO…

Mç̆aru Riçard Baxişi Ç̆ino coxoni mk̆ule romani gamiçkvinu 1970 ʒ̆anas. Riçard Baxik ç̆inopeşi pencereşen lamtinalaşi upelaperi adetepeşen ambarepe momçapan. Cogişi majura ç̆inopek putxunan xvala oç̆k̆omale ožiramu şeni. Mara Conat̆anik putxun oguru do dudi muşi oağanu şeni. Cogişi egoist̆i do megalomani majura ç̆inopek Conat̆ani duşmani şinupan. Edo cogik omendranaps Conat̆ani lamtinalaşen.

Riçard Baxi yeçkindu 1936 ʒ̆anas, noğa İllionisis, Amerik̆as. 

(Ali İhsan Aksamazi; 28 VI 2019)

MÇ̆ACEPEŞİ ĞORMOTİ…

Vilyim Goldingişi aya romani gamiçkvinu 1954 ʒ̆anas. Vilyim Goldingik berepeşi pencereşen ar lamtinalaşi goʒ̆oncğonerepeşen ambarepe momçapan.

Romanis kuğun otxo simboluri  k̆arak̆t̆eri: Cek̆i, Ralfi, Simoni do Ğecina.

Cek̆i ren egoist̆i do megalomani. Cek̆ik osağups ot̆orit̆eruli- faşist̆uri  simadaş roli. 

Ralfi ren k̆ai guroni do gamantaneri. Ralfik osağups p’luralist̆uri-demok̆rat̆iuri simadaşi roli.

Simoni ren k̆ai guroni do gamantaneri. Simonik osağups dinuri- filosofuri simadaşi roli.

Gvaneri Ğecina ren fuk̆ara ocağişen. Emu ren majurapeşen dido noseri do gamantaneri. Ğecinak didopeten numxvacups  Ralfis.

Romanişi filimiti yişiğinu 1963 do 1990 ʒ̆anas.

Ketabişi mç̆aru Vilyim Goldingi yeçkindu Omjore- Geulva İngiltereşi noğa Ağani Quayis,  1911 ʒ̆anas do doğuru 1993 ʒ̆anas.

Ali İhsan Aksamazi; 26 VI 2019)