7./
“Tavanişa eptit…”
Am dğaşen eçdovit̆oxut
[35] ǯana ǯoxle berepek vist̆ert̆it oxoris do, tavanişa
eptit-şi, ar sanduği köşes keladgit̆u. “Mu ren”-ia do govo ǯk̆edit doloxe. İsa
Peğamberiş sureti, Meryam Anaş sureti do P̆ap̆aş dolokunepe do bairaği do
daçxirişi gebğuşi do buğuriş oç̆uşi t̆akimi kamoşaviğit sanduğişen. Oxorişa
geviğit do vist̆ert̆it.
Uk̆ule nan-didi çkinik
komžires do miqures do dombaxes:
“A şeyepe mcve k̆oçepeşi
t̆u. Juroş [200] ǯaneri şeyepe çkin
şenaxeri miğut̆es do tkvan aşo mot gogiğunan! Manişa idit do, na t̆u, yeriş
kododvit!”
Çkinti viğit do do yeri muşis sanduğis
kodolovobğit.
Nan-didişi t̆k̆obaşe
jur xaç̆i ebzdit do noğas Urumi demircis sum ok̆a tutunişa berepek komepçit.
Ar vaxt̆iş-k̆ule vogni
ki, em Urumikti eçdoxut [25] liras kagamaçeren. Na- doskidu, şeyepe
keşavinaxit, am didi muharebeşa kort̆u. Nan-didişen beduvali vort̆it do xe var
memtxip̆t̆it. Am muhacirluğişa vidit do, moptitş-k-’ule, oxori ç̆eri domxvades.
[Abdulla Ef. Aşik Xasan- oğli,
Azlağuri, 45 ǯ., Orta- Xopa, 22.
VIII. 1917 (İoseb Qipşiže, “Ç̆anuri
T̆ekst̆ebi”, S S R K̆ Meʒ. Ak̆ademiis
Sakartvelos Pilialis Gamomemloba,T̆pilisi, 1939]
