(1)AZLAĞA/
ABUİSLAH/ ESENKIYI:
https://aliihsanaksamaz.blogspot.com/2024/10/azlaga-abuislah-esenkiyi.html
(2)
KÖYÜMÜZ/ KYOİ ÇKİNİ:
https://aliihsanaksamaz.blogspot.com/2024/11/koyumuz-kyoi-ckini.html
(3)
HEY GİDİ ÇOCUKLUK/ EY GİDİ BEROBA:
https://aliihsanaksamaz.blogspot.com/2024/11/3-hey-gidi-cocukluk-ey-gidi-beroba.html
(4)
BAYKUŞ/ OLOLİ:
https://aliihsanaksamaz.blogspot.com/2024/11/4-baykus-ololi.html
(5) Ortaokul Günlerim / Oşkenani Doguroniş Ndğalepes:
https://aliihsanaksamaz.blogspot.com/2024/12/ortaokul-gunlerim-oskenani-doguronis.html
(6) TEKNİKER OKULU VE ERZURUM/ T̆EKNİK̆ERİŞ DOGURONİ DO
ERZURUMİ:
https://aliihsanaksamaz.blogspot.com/2024/12/6-tekniker-okulu-ve-erzurum-teknikeris.html
(7) EŞKIYALAR YOLUMUZU KESTİ:
https://aliihsanaksamaz.blogspot.com/2024/12/7-eskiyalar-yolumuzu-kesti.html
BEROBA ÇKİMİ
Soren aʒ̆i?
Ari ç̆uç̆uli k̆ala ç̆ereli geni çkimi.
Muşeni varmažiren?
Em ç̆it̆a ğaç̆o k̆ala bresti mç̆ita sifteri.
Aʒ̆i sok̆ala gulun?
Soren lak̆ot̆i çkimi?
Soren aʒ̆i?
Goxareli porça do dolopsei ijdoni,
T̆alaxei k̆uçxe do monžikei şavali.
Sok̆ala ren?
Man bigaşi ʒxeniten nagovit̆i k̆azoni.
Soren mili do biga çkimi?
Soren aʒ̆i?
Ç̆anç̆axis dolobğei naqurap̆t̆es mjvabupe.
Man nagevatxozet̆i,
Mç̆itape mežangei em mskva ğaliçxomepe.
Sok̆ala ren?
K̆antxape, ʒ̆iʒ̆ilape,
Pucepe namimxort̆es K̆arvatişi mtutepe.
Soren burç̆uli çkimi?
Soren aʒ̆i?
Uça moniş k̆ak̆ape
Kudi stei motvei yeşili inç̆irepe.
Birtum nap̆ʒ̆uʒ̆onup̆t̆i,
But̆k̆uciş metopure loqa purçumalepe.
So nt̆k̆obunan?
Man nagevatxozet̆i ç̆erel ç̆urul k̆vinçepe.
Mik yezdu do mimpulu,
Soren lak̆at̆k̆a çkimi?
Soren aʒ̆i?
Şibepe gok̆ireli,
Xareli paç̆araten navistert̆i ndğalepe.
Mu iqu do yeç̆k̆odu?
Dimç̆k̆upes, but̆k̆ucepes namevuşkvi xilipe.
Sok̆ala ren?
Tutuniş niyetine nt̆k̆obaşaşi napşupt̆i,
Lazut̆iş xomula puskyulepe.
So gondunu?
Gverdi elat̆axei margvali yali çkimi.
Soren aʒ̆i?
Qvali do mç̆k̆idi çkimi.
İri şeyi tkvani rt̆as,
Mteli mali mulkepe.
Muk̆onai mskva kort̆es,
T̆et̆eli navinçvirt̆i dido didi zoğape.
Sok̆ala ren?
Man k̆ulanepe k̆ala,
Kvap̆ap̆uli navistert̆i ndğalepe.
Soren aʒ̆i ek̆o manebra çkimi?
Soren p̆ap̆uli çkimi?
Soren dinana çkimi?
Sorenan cumadepe?
So idu dadi çkimi?
Sole k̆ele gondunes?
Mcveşi mskva goşinupe?
Şurimşine Ella çkimi,
Sin domiʒ̆vi mu iqven.
Muşeni varmažiren,
Soren beroba çkimi?!
(Mç̆aru: M. Yilmaz
Avci, 1999)
+
ÇOCUKLUĞUM
Nerede şimdi?
Sarı civcivim ile alaca danam benim
Neden göremiyorum
Çekirge kuşum ile gri kırmızı atmacam
Şimdi nerde geziyor
Nerede yavru köpeğim
Nerede şimdi?
Yırtık gömleğim ile her an sidikli donum
Çamurlu ayaklarla sıvanmış pantolonum
Hani nerde?
Sopadan at binip gezdiğim şose yolum
Nerede çelik çomağım
Nerede şimdi?
Bataklığa doluşup bağrışan kurbağalar
Peşlerinden koştuğum
O kırmızı benekli güzel alabalıklar
Hani nerde?
Engerekler yılanlar
İneğimizi yiyen Karvatili ayılar
Nerede benim ay baltam?
Nerede şimdi?
Boncuksu tanelerle külah gibi örtülü
O yeşil sultanotlar
Benim her an emdiğim
Arılar bal sunan tatlı ballıbabalar
Nerede saklanıyorlar
Her an kovaladığım alaca renkli kuşlar
Kimler alıp sakladı?
Nerede benim sapanım?
Nerede şimdi?
Yırtık paçavraları kınnap ile sararak
Top oynadığım günler
Ne oldu da yok oldu?
Karıncaya arıya terk ettiğim meyveler
Hani nerede?
Bir tütün niyetine gizli gizli içtiğim
Kuru mısır püskülüm
Nerelerde kayboldu
Yarısı kırık olan yuvarlak aynam benim.
Nerede şimdi?
Peynir ile ekmeğim
Tüm şeyler sizin olsun
Bütün mal ile mülkler
Ne kadar güzeldiler
Çırılçıplak yüzdüğüm o dalgalı denizler
Hani nerede?
Beştaş oynarken kızlarla geçen günler
Nerede şimdi onca arkadaşlarım.
Nerede benim dedem?
Nerede benim ninem?
Nerede amcalarım?
Nereye gitti halam?
Nerede kayboldular?
Eski güzel anılar
Ulu Tanrım
Yoluna can koyduğum
Neden bulamıyorum
Nerededir çocukluğum?!
(Yazan: M. Yilmaz
Avci, 1999)
(1)AZLAĞA/
ABUİSLAH/ ESENKIYI:
https://aliihsanaksamaz.blogspot.com/2024/10/azlaga-abuislah-esenkiyi.html
(2)
KÖYÜMÜZ/ KYOİ ÇKİNİ:
https://aliihsanaksamaz.blogspot.com/2024/11/koyumuz-kyoi-ckini.html
(3)
HEY GİDİ ÇOCUKLUK/ EY GİDİ BEROBA:
https://aliihsanaksamaz.blogspot.com/2024/11/3-hey-gidi-cocukluk-ey-gidi-beroba.html
(4)
BAYKUŞ/ OLOLİ:
https://aliihsanaksamaz.blogspot.com/2024/11/4-baykus-ololi.html
(5) Ortaokul Günlerim / Oşkenani Doguroniş Ndğalepes:
https://aliihsanaksamaz.blogspot.com/2024/12/ortaokul-gunlerim-oskenani-doguronis.html
(6) TEKNİKER OKULU VE ERZURUM/ T̆EKNİK̆ERİŞ DOGURONİ DO
ERZURUMİ:
https://aliihsanaksamaz.blogspot.com/2024/12/6-tekniker-okulu-ve-erzurum-teknikeris.html
(7) EŞKIYALAR YOLUMUZU KESTİ:
https://aliihsanaksamaz.blogspot.com/2024/12/7-eskiyalar-yolumuzu-kesti.html
https://www.circassiancenter.com/tr/azlaga-abuislah-esenkiyi/
https://www.circassiancenter.com/tr/lazca-turkce-siir-ve-hikayeleriyle-munir-yilmaz-avci/
